இந்த நேர்காணல், பிரபாகரனது தியாகச்சாவு நிகழ்ந்த திகதி தொடர்பானது. அவரைப் பற்றியும், இறுதிப் போரை அவர் பிடிவாத நிலைப்பாடுகளோடு எதிர்கொண்டதில் நிகழ்ந்த பேரழிவுகள் பற்றியும் பேசுவதற்கு ஏராளமான விடயங்கள் இருக்கின்றன. அவை, வேறு சந்தர்ப்பங்களிற் பேசப்பட வேண்டியவை. இந்த நேர்காணலைப் பதிவு செய்தபோது எனக்குக் கடுமையான சுகவீனம் இருந்தது. (ஏற்கெனவே இரண்டுமுறை பிற்போடப்பட்டிருந்தது.) இலங்கை இறுதிப் போர்க்காலத்தில் ஏற்கெனவே நான் அனுமானித்திருந்தபடி, அவலமான சூழ்நிலையில் நிகழ்ந்த மரணம் தொடர்பாக ஆராய்ந்து பேச நேர்வது, உள்ளார்ந்த துயரம் தரக்கூடியது.